पच्यु

तमु जातिको प्राचीन धर्मगुरुहरुलाई तीन भागमा विभागजन गरिएको छ । जसमा पहिलोमा पच्यु, दोस्रोमा क्ल्हेप्री र तेस्रोमा बोँ लम आउँदछ । विशेष गरी ‘पै’ अर्थात् ‘अर्घुं’ कार्यमा पच्यु अनिवार्य हुने गर्दछ । विशेष गरी अर्घुं कार्यमा अर्घुंको थालनी गर्ने नै पच्यु खेगी हो । यसर्थ क्ल्हेप्री समूह या बोँ लम समूहसँग पच्यु अनिवार्य हुनै पर्दछ । यसका अलवा पच्युले उपचार विधिको रुपमा पनि कार्य गरिआएको छ । प्राचीनकालदेखि पच्युलाई तमुहरुले दुःखविमार हुँदा उनीहरुलाई लगाउने प्रचलन यद्यपि विद्यमान छन् ।