Tamu Bon Religion

‘तमु बोँ धर्म’ जसलाई तमुहरुले ‘प्ये ताँ ल्हु ताँ’ भनेर पनि चिनिन्छ, नेपालका तमु (गुरुङ)हरुको एक प्राचीन आध्यात्मिक परम्परा र धर्म हो । जसले प्रकृति, आकाशीय प्राणीहरु, मौलिक शक्तिहरु र मृत्युपछिको जीवनसँग सम्बन्धित समृद्ध पौराणिक कथालाई समेट्छ । बौद्ध धर्मको आगमनभन्दा पहिलेदेखि नै चल्दै आएको एक प्राचीन आध्यात्मिक परम्परा हो बोँ धर्म । जसलाई संसारकै एक प्राचीन धर्म मानिन्छ । तमु बोँ धर्म प्रकृति, ब्रह्माण्ड विज्ञान र शामनवादी अभ्यासहरुसँग गहिरो रुपमा गाँसिएको छ । यसको शिक्षा, अनुष्ठान र अभ्यासहरु व्यक्तिगत ज्ञान र सामुदायिक कल्याणलाई प्रवद्र्धन गर्दछ भने प्राकृतिक देवताहरु, आत्माहरु र पूर्खाको सम्मान गर्दछ ।
बोँ धर्ममा अनुष्ठानहरु प्रायः जप, ध्यान, प्रसाद, प्रार्थना, विशेष खालका पंक्षीको प्वाँख, टाउको र ढ्याङ्ग्रो (ड्रम) जस्ता पवित्र वस्तुहरुको प्रयोग समावेश हुन्छ । बोँ धर्ममा खेगीहरुले आध्यात्मिक मध्यस्तकर्ताको रुपमा महत्वपूर्ण भूमिका खेल्छन्, रोग निको पार्न, आत्माहरुलाई शान्त पार्न र मानिस तथा प्राकृतिक संसारबीच सद्भाव सुनिश्चित गर्न त्हाँ, त्हेँहरु गर्छन् । साथै बोँ धर्ममा पवित्र पहाडहरु, नदीहरु र अन्य प्राकृतिक घटनाहरुप्रति गहिरो श्रद्धा पनि छ । जसले गर्दा बोँ एक धर्मभन्दा पनि अझ उच्च हो भने यो जीवनको एक तरिका हो जसले सबै अस्तित्वको अन्तरसम्बन्धलाई मनाउँछ, प्राकृतिक संसारसँग आन्तरिक शान्ति र सद्भावको लागि कालातीत ज्ञान प्रदान गर्दछ ।